CLT 1. Jarduera

Lagun bati WhatsAppez bidaliko niokeen mezua:

Arratsalde on, hi!

Praktikata biali zieken eskolan latine ematen jarri ziatek... Eskaeran bat ein beharren neok aldaketan bat itteko.

Masterreko zuzendariari posta elektronikoz:

Kaixo, Zoe:

Bigarren hezkuntzako irakaskuntza masterreko ikaslea naiz eta praktikaldirako esleitu didaten ikastetxean dudan egoera deserosoa dela eta hitz egiten dizut. Izan ere, latineko saioak ematen jarri naute. Ni Euskal Ikasketetan graduatua naiz eta latinez ezer gutxi ikasi ahal izan dut. Inondik inora ez naiz gai latinezko saioak emateko. Hau dela eta, laguntza eskatu nahi nizun ikastetxearekin harremanetan jarri eta egoera aldatzeko eskaera egiteko.

Eskerrik asko aldez aurretik,

Ibon Loidi.

Hezkuntzako foru delegatuari, postaz edo posta elektronikoz idatziriko gutuna:

Jaun/Andere agurgarria,

Derrigorrezko Bigarren Hezkuntza, Batxilergoa, Lanbide Heziketa eta Hizkuntzen Irakaskuntza Irakasleen Prestakuntzako Unibertsitate Masterreko ikasle naizen aldetik, mezu hau idazten dizut praktiketako ikasgaien esleipenarekin izan dudan arazo bati bide emateko asmoz.

Ikasgaien esleipenarekin nahasteren bat izan dela uste dut. Ni, Euskal Ikasketetan graduatua naiz eta egun, Euskara eta Literaturako espezialitatean ikasten nabil aipatu berri dundan Unibertsitate Masterrean. Praktiketako ikastetxean, ordea, Latineko irakaslearekin ipini naute, bere ikasgaia aztertu eta bertan klaseak eman ditzadan. Nik, nire partetik, ez dut ikasgai honetarako prestakuntzarik jaso eta klaseak emateko prest ikusten ez naizenez aldaketa bat eskatu nahi nuke.

Euskara eta Literaturako irakasgaian egotea gustatuko litzaidake, horretarako ikasi baitut Euskal Ikasketen gradua eta oraingo masterra.

Nire eskaera kontuan izango duzulakoan, agurtzen zaitut.

Ibon Loidi Mugica.

Data

2022ko Abenduak 26.